കൊല്ലത്ത് വീട്ടമ്മക്ക് നേരെ ആസിഡാക്രമണം. കല്ലുവെട്ടാൻകുഴി സ്വദേശി കവിതയെയാണ് ഭർത്താവ് ബിജു ആക്രമിച്ചത്. കവിതയുടെ മുഖത്തും കൈയ്ക്കും പൊള്ളലേറ്റു. നിലവിളി കേട്ട് ഓടിക്കൂടിയ നാട്ടുകാരാണ് യുവതിയെ കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചത്.
പഞ്ചായത്തിൽ നിന്ന് വീട് വെക്കാൻ ബിജുവിന്റെ പേരിൽ ഭൂമി അനുവദിച്ചിരുന്നു. ഈ വസ്തുവിൽ ഷെഡ് കെട്ടിയാണ് ബിജുവും കവിതയും അമ്മയും കഴിഞ്ഞിരുന്നത്. പലതവണ കവിതയെയും അമ്മയെയും ഇറക്കിവിടാൻ ബിജു ശ്രമിച്ചിരുന്നു.
ശല്യത്തെ തുടർന്ന് ഇരുവരും സമീപത്ത് വാടക വീട്ടിലേക്ക് മാറി. ഇവിടെയെത്തിയാണ് ബിജു ആക്രമണം നടത്തിയത്. പ്രതിയെ പോലീസ് അറസ്റ്റ് ചെയ്തു.
The post കൊല്ലത്ത് വീട്ടമ്മക്ക് നേരെ ആസിഡാക്രമണം; ഭർത്താവ് പിടിയിൽ appeared first on Metro Journal Online.
