കൊച്ചിയിൽ പത്താം ക്ലാസുകാരിയെ ലഹരി നൽകി പീഡനത്തിന് ഇരയാക്കി. നഗരത്തിലെ സ്‌കൂളിൽ പഠിക്കുന്ന കുട്ടിയെ ഇൻസ്റ്റഗ്രാം വഴി പരിചയപ്പെട്ട ശേഷമാണ് ഡയറി മിൽക്കിൽ ലഹരി ചേർത്ത് നൽകി പീഡിപ്പിച്ചത്. കുട്ടിയുടെ സ്വഭാവത്തിൽ വന്ന മാറ്റങ്ങൾ ശ്രദ്ധയിൽപ്പെട്ട രക്ഷിതാക്കൾ കൗൺസിലിംഗിന് വിധേയമാക്കിയപ്പോഴാണ് പീഡന വിവരം പുറത്തറിയുന്നത്
ഇൻസ്റ്റഗ്രാം വഴിയാണ് കുട്ടിയെ പ്രതി പരിചയപ്പെട്ടത്. പ്രതിയും പ്രായപൂർത്തിയാകാത്ത ആളാണ്. കുട്ടിക്ക് ലഹരി ചേർത്ത ഡയറി മിൽക്ക് നൽകിയാണ് വശപ്പെടുത്തിയതും പീഡിപ്പിച്ചതും. പ്രതിയെ പോലീസ് കസ്റ്റഡിയിലെടുത്തെങ്കിലും ജുവനൈൽ ബോർഡിൽ ഹാജരാക്കിയതോടെ ജാമ്യം ലഭിച്ചു
പ്രതിയായ ആൺകുട്ടിയുടെ നേതൃത്വത്തിൽ കുട്ടികളുടെ വൻ സംഘം ലഹരിക്കച്ചവടത്തിനും ഇരകളെ കണ്ടെത്തുന്നതിനുമായി നഗരത്തിൽ പ്രവർത്തിക്കുന്നുണ്ടെന്ന് പോലീസ് പറയുന്നു. പ്രായപൂർത്തിയാകാത്ത കുട്ടികളുടെ സംഘമായതിനാൽ തങ്ങൾ നിസഹായരാണെന്നും പോലീസ് പറയുന്നു.
The post കൊച്ചിയിൽ ഡയറി മിൽക്കിൽ ലഹരി ചേർത്ത് നൽകി പത്താം ക്ലാസുകാരിയെ പീഡിപ്പിച്ചു appeared first on Metro Journal Online.
