ആറ്റുകാൽ പൊങ്കാലക്കൊരുങ്ങി തലസ്ഥാന നഗരം. അടുപ്പുകൾ കൂട്ടി ഒരുക്കങ്ങൾ പൂർത്തിയാക്കി ആറ്റുകാൽ ദേവിക്ക് പൊങ്കാല അർപ്പിക്കാൻ കാത്തിരിക്കുകയാണ് ഭക്തർ. രാവിലെ 10.15നാണ് അടുപ്പുവെട്ട്. മുൻവർഷങ്ങളിലേക്കാൾ തിരക്കാണ് ഇത്തവണ തിരുവനന്തപുരത്ത് പൊങ്കാല സമർപ്പണത്തിന് അനുഭവപ്പെടുന്നത്
രാവിലെ 9.45ഓടെ ശുദ്ധ പുണ്യാഹത്തോടെ പൊങ്കാല ചടങ്ങുകൾ ആരംഭിക്കും. 10.15നാണ് അടുപ്പുവെട്ട്. 1.15നാണ് നിവേദ്യം. ശക്തമായ സുരക്ഷാ ക്രമീകരണങ്ങളാണ് നഗരത്തിൽ പോലീസ് ഒരുക്കിയിരിക്കുന്നത്. ക്ലബ്ബുകളും റസിഡന്റ്‌സ് അസോസിയേഷനുകളും പൊങ്കാല സമർപ്പണത്തിന് സൗകര്യങ്ങൾ ഒരുക്കിയിട്ടുണ്ട്
ക്ഷേത്രപരിസരത്ത് നിന്ന് കിലോമീറ്റർ അകലെ വരെ വിവിധ സ്ഥലങ്ങളിലും അടുപ്പുകൾ നിരന്നിട്ടുണ്ട്. കൊടുംവേനൽ കണക്കിലെടുത്ത് അകലം പാലിച്ച് അടുപ്പ് കൂട്ടണമെന്നാണ് നിർദേശം. ഹരിത ചട്ടങ്ങൾ പൂർണമായും പാലിക്കണം. നഗരത്തിൽ ഗതാഗത നിയന്ത്രണവുമുണ്ട്.
