ഇടതുപക്ഷത്തെ എതിർത്താൽ ഹീറോ, അനുകൂലിച്ചാൽ വില്ലൻമാർ; ചില മാധ്യമങ്ങളുടെ നിലപാട് ഇതാണെന്ന് മുഖ്യമന്ത്രി
മാധ്യമങ്ങൾക്കെതിരെ വിമർശനവുമായി മുഖ്യമന്ത്രി പിണറായി വിജയൻ. ഇടതുപക്ഷം വീണ്ടും അധികാരത്തിൽ വരുമെന്ന് ജനങ്ങൾക്ക് പ്രതീക്ഷയുണ്ട്. ഇതിൽ ചില മാധ്യമങ്ങൾക്ക് പരിഭ്രാന്തിയുണ്ട്. അവർ അധാർമികതയുടെ ഏതറ്റം വരെയും പോകുന്നു. കളമശ്ശേരി പോളിടെക്‌നിക്കിൽ ലഹരി പിടിച്ച സംഭവം ഇതിന് ഉദാഹരണമാണ്. ആ സംഭവത്തിന് ചില മാധ്യമങ്ങൾ ഇടതുപക്ഷ വിരുദ്ധ നറേറ്റീവ് നൽകിയെന്ന് മുഖ്യമന്ത്രി പറഞ്ഞു
ഇടതുപക്ഷം ആണെങ്കിൽ ആക്രമണം. ഇടതുപക്ഷം അല്ലെങ്കിൽ ആക്രമണമില്ല. മാധ്യമങ്ങൾ കുട്ടികളുടെ രാഷ്ട്രീയം അന്വേഷിച്ച് നടക്കുന്നു. ഒരു വിദ്യാർഥിയുടെ രാഷ്ട്രീയം മാത്രം ലക്ഷ്യം വെച്ചു. പിന്നീട് കേസിലെ പ്രതികൾ ഇടതുപക്ഷം അല്ലെങ്കിൽ ആക്രമണം വേണ്ടെന്ന നിലപാട് സ്വീകരിച്ചെന്നും മുഖ്യമന്ത്രി പറഞ്ഞു
വാളയാർ കേസിലും കുറ്റവാളികളെ മഹത്വവത്കരിക്കാൻ ചിലർ ശ്രമിച്ചു. ഇടതുപക്ഷത്തെ എതിർക്കുന്നവർ ഹീറോ. ഇടതുപക്ഷത്തെ അനുകൂലിക്കുന്നവർ വില്ലൻമാർ. ഇതാണ് ചില മാധ്യമങ്ങളുടെ നിലപാടെന്നും മുഖ്യമന്ത്രി പറഞ്ഞു
The post ഇടതുപക്ഷത്തെ എതിർത്താൽ ഹീറോ, അനുകൂലിച്ചാൽ വില്ലൻമാർ; ചില മാധ്യമങ്ങളുടെ നിലപാട് ഇതാണെന്ന് മുഖ്യമന്ത്രി appeared first on Metro Journal Online.
