ആശ പ്രവർത്തകരുമായി മന്ത്രി വീണ ജോർജ് ഇന്ന് ചർച്ച നടത്തും; ട്രേഡ് യൂണിയൻ നേതാക്കളും പങ്കെടുക്കും
വേതന വർധനവ് ആവശ്യപ്പെട്ട് സമരം ചെയ്യുന്ന ആശ പ്രവർത്തകരുമായി ആരോഗ്യമന്ത്രി വീണ ജോർജ് ഇന്ന് ചർച്ച നടത്തും. സെക്രട്ടേറിയറ്റിന് മുന്നിലെ രാപ്പകൽ സമരം 53 ദിവസം പിന്നിടുമ്പോഴാണ് മൂന്നാംവട്ട മന്ത്രിതല ചർച്ച. കേന്ദ്ര ആരോഗ്യമന്ത്രി ജെപി നഡ്ഡയുമായുള്ള കൂടിക്കാഴ്ചക്ക് പിന്നാലെയാണ് വീണ ജോർജ് ആശ പ്രവർത്തകരുമായി വീണ്ടും ചർച്ച നടത്തുന്നത്
വൈകിട്ട് മൂന്ന് മണിക്ക് മന്ത്രിയുടെ ചേംബറിൽ വെച്ചാണ് ചർച്ച. സമരം ചെയ്യുന്ന ആശ ഹെൽത്ത് വർക്കേഴ്‌സ് അസോസിയേഷന് പുറമെ മറ്റ് ട്രേഡ് യൂണിയനുകളെയും ചർച്ചക്ക് വിളിച്ചിട്ടുണ്ട്. ഓണറേറിയം വർധിപ്പിക്കുന്നതും വിരമിക്കൽ ആനുകൂല്യം പ്രഖ്യാപിക്കുന്നതും അടക്കമുള്ള ആവശ്യങ്ങളിൽ അനുകൂല തീരുമാനമെടുക്കാതെ പിന്നോട്ടില്ലെന്ന നിലപാടിലാണ് സമരക്കാർ
അതേസമയം എറണാകുളത്ത് യുഡിഎഫ് ഭരിക്കുന്ന എല്ലാ തദ്ദേശസ്ഥാപനങ്ങളിലും ആശമാരുടെ വേതനം വർധിപ്പിക്കാൻ തീരുമാനമായി. 2000 രൂപ വീതം കൂട്ടാനാണ് തീരുമാനം. യുഡിഎഫ് ഭരിക്കുന്ന എല്ലാ സ്ഥാപനങ്ങളിലും തീരുമാനം നടപ്പാക്കുമെന്ന് ഡിസിസി പ്രസിഡന്റ് മുഹമ്മദ് ഷിയാസ് അറിയിച്ചു.
The post ആശ പ്രവർത്തകരുമായി മന്ത്രി വീണ ജോർജ് ഇന്ന് ചർച്ച നടത്തും; ട്രേഡ് യൂണിയൻ നേതാക്കളും പങ്കെടുക്കും appeared first on Metro Journal Online.
