സംസ്ഥാനത്ത് സ്വർണവില വീണ്ടും സർവകാല റെക്കോർഡിൽ. പവന് ഇന്ന് ഒറ്റയടിക്ക് 840 രൂപ കൂടി വർധിച്ചു. ഇതോടെ പവന് ആദ്യമായി 71,000 രൂപ കടന്നു. ഇന്ന് വിപണിയിൽ സ്വർണം പവന് 71,360 രൂപയാണ് വില
ഇന്നലെ പവന് 760 രൂപയാണ് പവന് വർധിച്ചത്. രണ്ട് ദിവസം കൊണ്ട് 1600 രൂപയുടെ വർധനവ് സ്വർണത്തിനുണ്ടായി. കഴിഞ്ഞ ശനിയാഴ്ചയാണ് സംസ്ഥാനത്ത് സ്വർണവില ആദ്യമായി 70,000 കടന്നത്.
അന്താരാഷ്ട്ര വിപണിയിൽ സ്വർണവില ട്രോയ് ഔൺസിന് 3341 ഡോളറിലേക്ക് കുതിച്ചെത്തി. ഒരു ഗ്രാം 22 കാരറ്റ് സ്വർണത്തിന്റെ വിപണി വില 8920 രൂപയാണ്. 18 കാരറ്റ് സ്വർണത്തിന് ഗ്രാമിന് 7350 രൂപയായി.
The post വീണ്ടും സർവകാല റെക്കോർഡ്: സ്വർണം പവന്റെ വില ആദ്യമായി 71,000 രൂപയും കടന്നു appeared first on Metro Journal Online.
