ചങ്ങനാശ്ശേരി മോസ്‌കോയിൽ യുവതിയെ വീട്ടിൽ മരിച്ച നിലയിൽ കണ്ടെത്തി. മോസ്‌കോ സ്വദേശി മല്ലികയാണ്(38) മരിച്ചത്. സംഭവത്തിൽ ഭർത്താവ് അനീഷിനെ പോലീസ് കസ്റ്റഡിയിലെടുത്തു.
മല്ലികയുടെ ശരീരമാസകലം രക്തമുണ്ടായിരുന്നു. ആശുപത്രിയിലേക്ക് കൊണ്ടുപോകാൻ ശ്രമിക്കുന്നതിനിടെ ആംബുലൻസ് ഡ്രൈവർക്ക് സംശയം തോന്നുകയും പോലീസിനെ അറിയിക്കുകയുമായിരുന്നു.
പോലീസ് സ്ഥലത്തെത്തി അനീഷിനെ ചോദ്യം ചെയ്ത ശേഷമാണ് കസ്റ്റഡിയിലെുത്തത്. മൃതദേഹം ആശുപത്രിയിലേക്ക് മാറ്റി.
