ഇന്ത്യൻ ആക്രമണം ഭയന്ന് അമേരിക്കൻ സഹായം തേടി പാക്കിസ്ഥാൻ; ചർച്ചയിലൂടെ പരിഹരിക്കണമെന്ന് യുഎസ്

പഹൽഗാം ഭീകരാക്രമണത്തിലെ തുടർ നടപടികൾ ചർച്ച ചെയ്യാൻ ഡൽഹിയിൽ ഇന്നും നിർണായക യോഗങ്ങൾ ചേരും. പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും സാഹചര്യങ്ങൾ വിലയിരുത്തും. ഇന്നലെ രാത്രി കേന്ദ്രമന്ത്രിസഭാ യോഗം കഴിഞ്ഞതിന് ശേഷം കരസേനാ മേധാവിയുമായി പ്രധാനമന്ത്രി കൂടിക്കാഴ്ച നടത്തിയിരുന്നു

അതിർത്തിയിൽ തുടർച്ചയായി വെടിനിർത്തൽ കരാർ ലംഘിക്കുന്നതിൽ ഇന്ത്യ പാക്കിസ്ഥാനെ അതൃപ്തി അറിയിച്ചിട്ടുണ്ട്. അതേസമയം പാക്കിസ്ഥാന് തിരിച്ചടി നൽകാൻ സൈന്യത്തിന് നരേന്ദ്രമോദി പൂർണ സ്വാതന്ത്ര്യം നൽകിയതിന് പിന്നാലെ പാക്കിസ്ഥാൻ അമേരിക്കയുടെ സഹായം തേടി. സംഘർഷ സാഹചര്യം പരിഹരിക്കാൻ ഇടപെടണമെന്ന് പാക് പ്രധാനമന്ത്രി ഷഹബാസ് ഷെരീഫ് യുഎസ് വിദേശകാര്യ സെക്രട്ടറി മാർക്കോ റൂബിയയോട് ആവശ്യപ്പെട്ടു

സംഘർഷാവസ്ഥ ഒഴിവാക്കണമെന്ന് അമേരിക്ക ഇരു രാജ്യങ്ങളോടും ആവശ്യപ്പെട്ടു. ചർച്ചയിലൂടെ പ്രശ്‌നപരിഹാരം വേണമെന്ന് റൂബിയോ പറഞ്ഞു. വിദേശകാര്യ മന്ത്രി എസ് ജയശങ്കറുമായി റൂബിയോ സംസാരിച്ചു. ഭീകരാക്രമണത്തിന്റെ അന്വേഷണത്തിൽ പാക്കിസ്ഥാൻ സഹകരിക്കണമെന്നും യുഎസ് നിർദേശിച്ചു.

The post ഇന്ത്യൻ ആക്രമണം ഭയന്ന് അമേരിക്കൻ സഹായം തേടി പാക്കിസ്ഥാൻ; ചർച്ചയിലൂടെ പരിഹരിക്കണമെന്ന് യുഎസ് appeared first on Metro Journal Online.