നടിമാരെ ആക്ഷേപിച്ചു; ആറാട്ടണ്ണൻ എന്നറിയപ്പെടുന്ന സന്തോഷ് വർക്കി അറസ്റ്റിൽ

ആറാട്ടണ്ണൻ എന്ന പേരിൽ അറിയപ്പെടുന്ന സന്തോഷ് വർക്കി അറസ്റ്റിൽ. എറണാകുളം നോർത്ത് പോലീസാണ് ഇയാളെ അറസ്റ്റ് ചെയ്തത്. സമൂഹ മാധ്യമങ്ങളിലൂടെ നടിമാരെ ആക്ഷേപിച്ചെന്ന നടി ഉഷ ഹസീനയുടെ പരാതിയിലാണ് അറസ്റ്റ്

നടിമാർക്കെതിരെ അശ്ലീല പരാമർശം നടത്തിയെന്ന് ആരോപിച്ച് നടി ഉഷ ഹസീന, ഭാഗ്യലക്ഷ്മി, കുക്കു പരമേശ്വരൻ എന്നിവർ ഇയാൾക്കെതിരെ പരാതി നൽകിയിരുന്നു. സന്തോഷ് വർക്കിയുടെ പരാമർശങ്ങൾ സ്ത്രീത്വത്തെ അപമാനിക്കുന്നതാണെന്നും കർശന നടപടി സ്വീകരിക്കണമെന്നും ഉഷ ഹസീന നൽകിയ പരാതിയിൽ ആവശ്യപ്പെട്ടിരുന്നു

ആലപ്പുഴ ഡിവൈഎസ്പിക്കാണ് ഉഷ പരാതി നൽകിയത്. 40 വർഷമായി സിനിമയിൽ പ്രവർത്തിക്കുന്ന തന്നെ ഇയാളുടെ പരാമർശം വേദനിപ്പിച്ചെന്നും പരാതിയിൽ വിശദീകരിച്ചിരുന്നു.

The post നടിമാരെ ആക്ഷേപിച്ചു; ആറാട്ടണ്ണൻ എന്നറിയപ്പെടുന്ന സന്തോഷ് വർക്കി അറസ്റ്റിൽ appeared first on Metro Journal Online.