സംസ്ഥാനത്ത് സ്വർണവിലയിൽ വീണ്ടും വർധനവ്. പവന് ഇന്ന് 80 രൂപയാണ് വർധിച്ചത്. തുടർച്ചയായ നാലാം ദിവസമാണ് സ്വർണവില ഉയരുന്നത്. ഇതോടെ ഒരു പവൻ സ്വർണത്തിന്റെ വില 64,480 രൂപയിലെത്തി.
ഇന്നലെ സ്വർണവിലയിൽ 320 രൂപയുടെ വർധനവുണ്ടായിരുന്നു. നാല് ദിവസത്തിനിടെ 1120 രൂപയാണ് വർധിച്ചത്. ഫെബ്രുവരി 25നാണ് 64,600 രൂപയെന്ന ചരിത്രത്തിലെ ഏറ്റവും ഉയർന്ന വിലയിൽ പവൻ എത്തിയത്.
ഇതിന് ശേഷം വില കുറയുകയായിരുന്നു. പിന്നീട് കഴിഞ്ഞ നാല് ദിവസങ്ങളിലായി വില കത്തിക്കയറുന്നതാണ് കാണുന്നത്. ഒരു ഗ്രാം 22 കാരറ്റ് സ്വർണത്തിന് 10 രൂപ വർധിച്ച് 8060 രൂപയായി. 18 കാരറ്റ് സ്വർണം ഗ്രാമിന് 6635 രൂപയാണ്.
The post തുടർച്ചയായ നാലാം ദിവസവും സ്വർണവില ഉയർന്നു; വീണ്ടും റെക്കോർഡ് വിലയ്ക്ക് അരികെ appeared first on Metro Journal Online.
