എമ്പുരാൻ വിവാദം സഭ നിർത്തിവെച്ച് ചർച്ച ചെയ്യണമെന്ന് എഎ റഹീം; തള്ളി രാജ്യസഭാ അധ്യക്ഷൻ
എമ്പുരാൻ സിനിമ വിവാദം രാജ്യസഭ നിർത്തിവെച്ച് ചർച്ച ചെയ്യണമെന്ന എ എ റഹീമിന്റെ ആവശ്യം രാജ്യസഭാ അധ്യക്ഷൻ തള്ളി. രാജ്യത്ത് ആവിഷ്‌കാര സ്വാതന്ത്ര്യത്തിന് എതിരായ കടന്നുകയറ്റം സംഘപരിവാർ നടത്തുകയാണെന്നും ഇതാണ് എമ്പുരാൻ വിഷയത്തിൽ പ്രകടമാകുന്നതെന്നും റഹീം പറഞ്ഞു
സംവിധായകൻ പൃഥ്വിരാജ് അടക്കമുള്ള അണിയറ പ്രവർത്തനങ്ങൾക്കെതിരെ നടക്കുന്ന സൈബർ ആക്രമണം അടക്കം ചർച്ച ചെയ്യണമെന്നതായിരുന്നു നോട്ടീസിലെ ആവശ്യം. മലയാള സിനിമ മേഖലയിലെ തന്നെ ഏറ്റവും പ്രമുഖരായ പല ആളുകൾ ഭാഗമായ ചിത്രമാണ് എമ്പുരാൻ. എന്നാൽ അവർക്ക് പോലും ഒരു ഘട്ടത്തിൽ ഭയന്ന് മാപ്പ് പറയാൻ നിർബന്ധിതരാകേണ്ട സാഹചര്യമാണെന്നും റഹീം പറഞ്ഞു.
അതേസമയം എമ്പുരാൻ റീ എഡിറ്റഡ് വേർഷൻ ഇന്ന് തീയറ്ററുകളിലെത്തും. ആദ്യ സെൻസർ കോപ്പിയിൽ നിന്നും 2 മിനിറ്റ് 8 സെക്കൻഡ് വെട്ടിമാറ്റിയാണ് പുതിയ പതിപ്പ് തീയറ്റുകളിലെത്തുന്നത്.
The post എമ്പുരാൻ വിവാദം സഭ നിർത്തിവെച്ച് ചർച്ച ചെയ്യണമെന്ന് എഎ റഹീം; തള്ളി രാജ്യസഭാ അധ്യക്ഷൻ appeared first on Metro Journal Online.
