അമേരിക്കക്കാർക്ക് മുമ്പുള്ളതിനേക്കാൾ കൂടുതൽ പ്രഹരം ലഭിക്കും, സയണിസ്റ്റ് ശത്രുവിനെ ശിക്ഷിക്കും: ഖൊമേനി
അമേരിക്കക്കാർ മുമ്പുള്ളതിനേക്കാള്‍ കൂടുതൽ പ്രഹരം ഇനി പ്രതീക്ഷിക്കണമെന്ന് ഇറാന്റെ പരമോന്നത നേതാവ് ആയത്തുല്ല അലി ഖൊമേനി. സയണിസ്റ്റ് ശത്രു വലിയ തെറ്റ് ചെയ്തു. അതിന് ശിക്ഷ ലഭിച്ചു കൊണ്ടിരിക്കുമെന്നും ഖൊമേനി പറഞ്ഞു. ഇറാന്റെ ആണവ കേന്ദ്രങ്ങളിൽ അമേരിക്ക വ്യോമാക്രമണം നടത്തിയതിന് പിന്നാലെ ഖൊമേനി നടത്തുന്ന ആദ്യ പ്രതികരണമാണിത്
സയണിസ്റ്റ് ശത്രു വലിയ തെറ്റ് ചെയ്തു. വലിയ കുറ്റം ചെയ്തു. അതിനെ ശിക്ഷിച്ചു കൊണ്ടിരിക്കുകയാണ്. ഇപ്പോൾ തന്നെ ശിക്ഷിക്കുകയാണ്. അമേരിക്കക്കാർ നേരത്തെക്കാൾ വലിയ നാശനഷ്ടങ്ങളും പ്രഹരങ്ങളും പ്രതീക്ഷിക്കണമെന്നും ഖൊമേനി പറഞ്ഞു
ഞായറാഴ്ച ഇറാനിലെ ഫോർഡോ ആണവ കേന്ദ്രത്തിന് മുകളിലുള്ള പർവതത്തിലും മറ്റ് രണ്ട് സ്ഥലങ്ങളിലുമാണ് യുഎസ് ബങ്കർ ബസ്റ്റർ ബോംബുകൾ വർഷിച്ചത്. 1979ലെ ഇസ്ലാമിക വിപ്ലവത്തിന് ശേഷം ഇറാനെതിരെയുണ്ടായ ഏറ്റവും ഗുരുതരമായ പാശ്ചാത്യ സൈനിക നടപടിയായിരുന്നുവിത്.
