തിരുവനന്തപുരം കുന്നത്തുകാലിൽ മരിച്ച നിലയിൽ കണ്ടെത്തിയ വയോധികയുടെ മരണത്തിൽ ദുരൂഹത. വയോധികയുടെ കല്ലറ ഇന്ന് പൊളിക്കും. കുടുംബം ദുരൂഹത ആരോപിച്ചതിനെ തുടർന്നാണ് തീരുമാനം.
ഒറ്റയ്ക്ക് താമസിച്ചിരുന്ന കുന്നത്തുകാൽ സ്വദേശി സെലീനാമ്മയാണ് എട്ട് ദിവസം മുമ്പ് മരിച്ചത്. ഇവർ ധരിച്ചിരുന്ന ആഭരണങ്ങളും വീട്ടിലുണ്ടായിരുന്ന ആഭരണങ്ങളും മോഷണം പോയതായി ബന്ധുക്കൾ ആരോപിച്ചിരുന്നു. മൃതദേഹത്തിൽ മുറിവുകളുണ്ടെന്നാണ് കുടുംബത്തിന്റെ പരാതി.
അസ്വാഭാവിക മരണത്തിന് കേസെടുത്ത പോലീസ് മൃതദേഹം പുറത്തെടുത്ത് പോസ്റ്റ്‌മോർട്ടം നടത്താൻ ജില്ലാ കലക്ടറുടെ അനുമതി തേടിയിരുന്നു. അനുമതി ലഭിച്ചതോടെയാണ് പോസ്റ്റ് മോർട്ടം നടത്താൻ തീരുമാനിച്ചത്.
The post കുന്നത്തുകാലിലെ വയോധികയുടെ മരണത്തിൽ ദുരൂഹത; ഇന്ന് കല്ലറ പൊളിക്കും appeared first on Metro Journal Online.
