ശക്തിക്കുളങ്ങരയിൽ ഭർത്താവ് ഭാര്യയെ വെട്ടി പരുക്കേൽപ്പിച്ചു; തടയാനെത്തിയ രണ്ട് പേർക്കും വെട്ടേറ്റു

കൊല്ലം ശക്തികുളങ്ങരയിൽ മൂന്ന് പേർക്ക് വെട്ടേറ്റു. ശക്തികുളങ്ങര സ്വദേശി രമണി, സഹോദരി സുഹാസിനി, സുഹാസിനിയുടെ മകൻ സൂരജ് എന്നിവർക്കാണ് വെട്ടേറ്റത്. സംഭവവുമായി ബന്ധപ്പെട്ട് രമണിയുടെ ഭർത്താവ് അപ്പുക്കുട്ടനെ പോലീസ് കസ്റ്റഡിയിലെടുത്തു.

കുടുംബവഴക്കാണ് ആക്രമണത്തിന് കാരണം. വ്യാഴാഴ്ച രാവിലെയാണ് സംഭവം. ശക്തികുളങ്ങരയിലെ രമണിയുടെ വീട്ടിൽ വെച്ചായിരുന്നു ആക്രമണം. രമണിയും ഭർത്താവ് അപ്പുക്കുട്ടനും തമ്മിൽ വഴക്കുണ്ടാകുകയും പിന്നാലെ ആക്രമണം നടക്കുകയുമായിരുന്നു

വാക്കത്തിയെടുത്ത് രമണിയുടെ തലയ്ക്കാണ് വെട്ടിയത്. കരച്ചിൽ കേട്ട് ഓടിയെത്തിയ സമീപത്ത് താമസിക്കുന്ന സുഹാസിനിയെയും മകൻ സൂരജിനെയും അപ്പുക്കുട്ടൻ വെട്ടി. പരുക്കേറ്റവരെ ആശുപത്രിയിൽ പ്രവേശിപ്പിച്ചു.