കോഴിക്കോട് സ്വിഗ്ഗി ഡെലിവറി ബോയ് മരിച്ച നിലയിൽ. ഉമ്മളത്തൂർ സ്വദേശി മിഥുനാണ് മരിച്ചത്. വെള്ളക്കെട്ടിലാണ് മൃതദേഹം കണ്ടെത്തിയത്. തൊണ്ടയാട് ബൈപാസ് ജംഗ്ഷനിൽ നിന്നും മലാപറമ്പിലേക്ക് പോകുന്ന വഴിയിൽ കുരിയത്തോട് സമീപമാണ് സംഭവം.
റോഡിൽ പൈപ്പിടാനായി കുഴിച്ച കുഴിയിലെ വെള്ളക്കെട്ടിലാണ് യുവാവിന്റെ മൃതദേഹം കണ്ടത്. രാത്രി ഭക്ഷണം നൽകാൻ പോകുന്ന സമയത്ത് ഏതെങ്കിലും വാഹനം ഇടിച്ച് തെറിച്ച് വീണതാണെന്നാണ് പ്രാഥമിക നിഗമനം.
കുഴിക്ക് ചുറ്റം ബലമില്ലാത്ത ചെറിയ ബാരിക്കേഡ് മാത്രമാണുണ്ടായിരുന്നത്. ഈ സ്ഥലത്ത് മുമ്പും അപകടം നടന്നിട്ടുള്ളതായി നാട്ടുകാർ പറയുന്നു.
The post കോഴിക്കോട് സ്വിഗ്ഗി ഡെലിവറി ബോയ് വെള്ളക്കെട്ടിൽ മരിച്ച നിലയിൽ appeared first on Metro Journal Online.
