സംസ്ഥാനത്ത് പുതിയ റെക്കോർഡുകൾ സൃഷ്ടിച്ച് സ്വർണവിലയുടെ കുതിപ്പ്. പവന് ഇതാദ്യമായി വില 64,000 കടന്നു. ഇന്ന് 640 രൂപയാണ് പവന് ഒറ്റയടിക്ക് വർധിച്ചത്. ഇതോടെ ഒരു പവൻ സ്വർണത്തിന്റെ വില 64,480 രൂപയായി.
ഇന്നലെ പവന് 280 രൂപ വർധിച്ചിരുന്നു. കഴിഞ്ഞ ഒരാഴ്ചക്കിടെ മാത്രം 2840 രൂപയുടെ വർധനവാണ് സ്വർണത്തിനുണ്ടായത്. 22 കാരറ്റ് സ്വർണത്തിന്റെ വിപണി വില 8060 രൂപയായി
18 കാരറ്റ് സ്വർണത്തിന്റെ വിപണി വില ഗ്രാമിന് 6650 രൂപയാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 106 രൂപയാണ്.
