തൃപ്പുണിത്തുറയിൽ പത്താം ക്ലാസുകാരന് ക്രൂര മർദനം; അഞ്ച് പ്ലസ് ടു വിദ്യാർഥികൾക്കെതിരെ കേസ്

എറണാകുളം തൃപ്പുണിത്തുറയിൽ പത്താം ക്ലാസുകാരന് ക്രൂരമർദനം. പ്ലസ് ടു വിദ്യാർഥികളാണ് 15കാരനെ മർദിച്ചത്. തൃപ്പുണിത്തുറ ചിന്മയ വിദ്യാലയത്തിലാണ് സംഭവം. മർദനത്തിൽ പത്താം ക്ലാസുകാരന്റെ മൂക്ക് തകർന്നു.

സംഭവത്തിൽ ചിന്മയ വിദ്യാലയത്തിലെ അഞ്ച് പ്ലസ് ടു വിദ്യാർഥികൾക്കെതിരെ പോലീസ് കേസെടുത്തു. പെൺസുഹൃത്തിന്റെ പേരിലുണ്ടായ തർക്കത്തെ തുടർന്നാണ് മർദനം.

മർദനത്തിൽ മൂക്കിന്റെ അസ്ഥി ഇളകി. വായിലെ പല്ലും ഇളകിയതായി പറയുന്നു. പ്രതികളായ അഞ്ച് പേരിൽ ഒരാൾ 18 വയസ് പൂർത്തിയായ ആളാണ്. പരുക്കേറ്റ പത്താം ക്ലാസുകാരൻ ആശുപത്രിയിൽ ചികിത്സയിലാണ്.