സംസ്ഥാന സർക്കാരിന് 6000 കോടി കൂടി കടമെടുക്കാൻ കേന്ദ്രം അനുമതി നൽകി. വൈദ്യുതി പരിഷ്‌കരണം നടത്തിയ വകയിലാണ് അധിക വായ്പക്ക് അനുമതി നൽകിയത്. 5990 കോടി രൂപ കടമെടുക്കാനുള്ള അനുമതി നേരത്തെ കേന്ദ്രം നൽകിയിരുന്നു
വൈദ്യുതി മേഖലയിലും പങ്കാളിത്ത പെൻഷനിലും കൊണ്ടുവന്ന മാറ്റങ്ങൾ സംസ്ഥാനത്തിന്റെ കടമെടുക്കാനുള്ള പരിധി വർധിപ്പിച്ചെന്നാണ് സംസ്ഥാനം വാദിച്ചത്. ഇത്തരത്തിൽ 12,000 കോടി കടമെടുക്കാൻ കഴിയുമെന്നും സംസ്ഥാനം കേന്ദ്രത്തെ അറിയിച്ചിരുന്നു
ആകെ 18,000 കോടി കടമെടുക്കാനാണ് സർക്കാർ അനുമതി തേടിയത്. 5990 കോടി കമെടുത്തതിന് പിന്നാലെ വൈദ്യുതി മേഖലയിലെ പരിഷ്‌കരണം സംബന്ധിച്ച റിപ്പോർട്ട് നൽകി. ഇതോടെയാണ് 6000 കോടി രൂപ വായ്പയുടെ അനുമതി ലഭിച്ചത്.
