16കാരിയെ മദ്യം നൽകി പീഡിപ്പിച്ചെന്ന കേസ്; അഭിഭാഷകന്റെ അറസ്റ്റ് തടഞ്ഞ് സുപ്രീം കോടതി
പത്തനംതിട്ടയിൽ 16കാരിയെ മദ്യം നൽകി പീഡിപ്പിച്ച കേസിൽ പ്രതിയായ ഹൈക്കോടതി അഭിഭാഷകൻ നൗഷാദിന് അറസ്റ്റിൽ നിന്ന് ഇടക്കാല സംരക്ഷണം നൽകി സുപ്രീം കോടതി. ഒരു അഭിഭാഷകനിൽ നിന്നാണോ ഇത്തരം നടപടിയുണ്ടായതെന്ന് ജസ്റ്റിസ് ബിവി നാഗരത്‌ന ചോദിച്ചു. എന്നാൽ കേസ് വ്യാജമാണെന്ന് നൗഷാദിനായി ഹാജരായ ആർ ബസന്ത്, അഭിഭാഷകൻ എ കാർത്തിക് എന്നിവർ വാദിച്ചു
കേസിൽ എതിർ കക്ഷികളായ സംസ്ഥാന സർക്കാരിന് അടക്കം സുപ്രീം കോടതി നോട്ടീസ് അയച്ചു. അന്വേഷണവുമായി അഭിഭാഷകൻ സഹകരിക്കണമെന്നും ചോദ്യം ചെയ്യലിന് ഹാജരാകണമെന്നും കോടതി നിർദേശിച്ചു. ഹർജി തീർപ്പാക്കും വരെ അറസ്റ്റ് അടക്കമുള്ള തുടർ നടപടികൾ പാടില്ലെന്നും കോടതി പറഞ്ഞു
16കാരിയുടെ മാതാപിതാക്കളുടെ വിവാഹമോചന കേസ് കൈകാര്യം ചെയ്ത അഭിഭാഷകനാണ് നൗഷാദ്. പതിനാറുകാരിയെ മദ്യം നൽകി ക്രൂരപീഡനത്തിന് പലതവണ ഇരയാക്കിയെന്നാണ് കേസ്. നിലവിൽ നൗഷാദ് ഒളിവിലാണ്.
The post 16കാരിയെ മദ്യം നൽകി പീഡിപ്പിച്ചെന്ന കേസ്; അഭിഭാഷകന്റെ അറസ്റ്റ് തടഞ്ഞ് സുപ്രീം കോടതി appeared first on Metro Journal Online.
