പാലക്കാട് കഞ്ചിക്കോട് കാറിൽ അഭ്യാസപ്രകടനം നടത്തിയ സംഭവത്തിൽ പ്രായപൂർത്തിയാകാത്തവരടക്കം നാല് പേർ പിടിയിൽ. പാലക്കാട് കസബ പോലീസാണ് ഇവരെ അറസ്റ്റ് ചെയ്തത്. സംഭവത്തിന്റെ ദൃശ്യങ്ങൾ പുറത്തുവന്നിരുന്നു. ഇതിന് പിന്നാലെയാണ് ഇവരെ പിടികൂടിയത്. ദൃശ്യങ്ങൾ എംവിഡിയും പോലീസും ശേഖരിച്ചിരുന്നു.
മറ്റൊരു യുവാവിന്റെ വാഹനമായിരുന്നു ഇത്. ഒരു കാര്യത്തിന് വേണ്ടി കൊണ്ടുപോയ ശേഷം തിരികെ നൽകാമെന്ന് പറഞ്ഞാണ് വിദ്യാർഥികൾ വാഹനം കൊണ്ടുപോയത്. മലമ്പുഴ, കഞ്ചിക്കോട് എന്നീ സ്ഥലങ്ങളിലൂടെ സർവീസ് റോഡിലൂടെയായിരുന്നു വാഹനത്തിലെ യാത്ര.
വലിയ ശബ്ദത്തിൽ പാട്ട് വെച്ചായിരുന്നു യാത്ര. രണ്ട് പേർ പ്രായപൂർത്തിയായവരാണ്. ഇവരുടെ ലൈസൻസ് റദ്ദാക്കുമെന്ന് അറിയിച്ചിട്ടുണ്ട്. വാഹനം കോടതിയിൽ ഹാജരാക്കും. മോട്ടോർ വാഹന വകുപ്പിനോട് കൂടുതൽ നടപടി ആവശ്യപ്പെടുമെന്ന് കസബ സിഐ അറിയിച്ചു.
The post കാറിൽ അഭ്യാസപ്രകടനം; പ്രായപൂർത്തിയാകാത്തവരടക്കം നാല് പേർ പിടിയിൽ appeared first on Metro Journal Online.
