ഇന്ദുജയുടെ മരണത്തിൽ വഴിത്തിരിവ്; ഭർത്താവിന്റെ സുഹൃത്തും കസ്റ്റഡിയിൽ, മർദിച്ചത് അജാസ് എന്ന് സൂചന

തിരുവനന്തപുരം പാലോട് ഭർതൃഗൃഹത്തിൽ നവവധുവിനെ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ വഴിത്തിരിവ്. ഭർത്താവിന്റെ സുഹൃത്ത് അജാസ് എന്നയാളെ പോലീസ് കസ്റ്റഡിയിലെടുത്തു. ഇയാളെ ചോദ്യം ചെയ്ത് വരികയാണ്. മരിച്ച ഇന്ദുജയുമായി അജാസിന് അടുത്ത ബന്ധമുണ്ടായിരുന്നുവെന്നാണ് പോലീസ് പറയുന്നത്

ഇന്ദുജയെ മർദിച്ചത് അജാസാണെന്നും സൂചനയുണ്ട്. കസ്റ്റഡിയിലെടുത്തപ്പോൾ ഭർത്താവ് അഭിജിത്തും അജാസും വാട്‌സാപ് ചാറ്റുകളെല്ലാം ഡിലീറ്റ് ചെയ്ത ശേഷമാണ് എത്തിയത്. ഇതാണ് പോലീസിന് സംശയത്തിന് കാരണമായത്. ഇരുവരെയും ഒന്നിച്ചിരുത്തിയാണ് പോലീസ് ചോദ്യം ചെയ്യുന്നത്

ഇന്ദുജയുടെ കണ്ണിന് താഴെയും തോളിലുമായി മർദനത്തിന്റെ പാടുകളുണ്ടായിരുന്നു. മൂന്ന് മാസം മുമ്പാണ് ഇന്ദുജയെ അഭിജിത്ത് വിവാഹം ചെയ്തത്. ഇന്ദുജയുടെ മരണത്തിൽ ദുരൂഹത ആരോപിച്ച് കുടുംബമാണ് പരാതി നൽകിയത്.

The post ഇന്ദുജയുടെ മരണത്തിൽ വഴിത്തിരിവ്; ഭർത്താവിന്റെ സുഹൃത്തും കസ്റ്റഡിയിൽ, മർദിച്ചത് അജാസ് എന്ന് സൂചന appeared first on Metro Journal Online.