മലപ്പുറത്ത് ഫോണിലൂടെ യുവതിയെ മുത്തലാഖ് ചൊല്ലിയ സംഭവം; ഭർത്താവിനെതിരെ കേസെടുത്തു

മലപ്പുറത്ത് ഫോണിലൂടെ മുത്തലാഖ് ചൊല്ലിയ സംഭവത്തിൽ പോലീസ് കേസെടുത്തു. യുവതിയുടെ മൊഴിപ്രകാരം മലപ്പുറം വനിതാ സെല്ലാണ് കേസെടുത്തത്. കൊണ്ടോട്ടി സ്വദേശി വീരാൻ കുട്ടിക്കെതിരെയാണ് കേസ്

വീരാൻ കുട്ടി യുവതിയുടെ പിതാവിനെ ഫോണിൽ വിളിച്ച് മുത്തലാഖ് ചൊല്ലുന്നതിന്റെ ശബ്ദരേഖ പുറത്തുവന്നിരുന്നു. വിവാഹ സമയത്ത് നൽകിയ 30 പവൻ സ്വർണാഭരണങ്ങൾ തിരികെ നൽകിയില്ലെന്നും പരാതിയിൽ പറയുന്നു

ഒന്നര വർഷം മുമ്പാണ് യുവതിയുടെ വിവാഹം കഴിഞ്ഞത്. ആകെ രണ്ട് മാസം മാത്രമാണ് ഭർത്താവിന്റെ വീട്ടിൽ താമസിച്ചത്. ഇതിന് ശേഷം യാതൊരു ബന്ധവും വീരാൻകുട്ടി തുടർന്നിരുന്നില്ല. പിന്നാലെയാണ് ഫോണിലൂടെ മുത്തലാഖ് ചൊല്ലിയത്.