തൃശ്ശൂർ വെണ്ടോരിൽ മൂന്ന് വയസുകാരിയുടെ മരണത്തിന് കാരണം ഭക്ഷ്യവിഷബാധയെന്ന് സൂചന. വെണ്ടോർ അളഗപ്പ ഗ്രൗണ്ടിന് സമീപം കല്ലൂക്കാരൻ ഹെൻട്രിയുടെ മകൾ ഒലിവിയയാണ് മരിച്ചത്. ഹെൻട്രി വിദേശത്താണ് ജോലി ചെയ്തിരുന്നത്
കഴിഞ്ഞ ശനിയാഴ്ച നാട്ടിലെത്തിയ ഹെൻട്രിയെ വിമാനത്താവളത്തിൽ നിന്നും കൂട്ടാനായി ബന്ധുക്കൾക്കൊപ്പം ഒലിവിയയും പോയിരുന്നു. വീട്ടിലേക്ക് മടങ്ങുന്നതിനിടെ ഇവർ അങ്കമാലിയിലെ ഹോട്ടലിൽ നിന്നും ഭക്ഷണം കഴിച്ചു. മസാലദോശ കഴിച്ച കുട്ടിക്ക് ശാരിരികാസ്വസ്ഥതകൾ അനുഭവപ്പെടുകയായിരുന്നു
ഒലിവിയയെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇൻജക്ഷൻ നൽകി പറഞ്ഞയച്ചെങ്കിലും അസ്വസ്ഥത മാറാത്തതിനെ തുടർന്ന് കൊടകരയിലെ ആശുപത്രിയിൽ ചികിത്സ തേടി. ആരോഗ്യസ്ഥിതി വഷളായതോടെ പുതുക്കാട് താലൂക്ക് ആശുപത്രിയിൽ പ്രവേശിപ്പിച്ചെങ്കിലും കഴിഞ്ഞ ദിവസം മരണം സംഭവിച്ചു
കുട്ടിക്ക് പുറമെ മാതാപിതാക്കളും ഹെൻട്രിയുടെ അമ്മയും മസാലദോശ കഴിച്ചിരുന്നു. ഇവർക്കും ശാരീരിക അസ്വസ്ഥതയുണ്ടായിരുന്നു. സംഭവത്തിൽ പുതുക്കാട് പോലീസ് കേസെടുത്തു.
The post തൃശ്ശൂരിലെ മൂന്ന് വയസുകാരിയുടെ മരണകാരണം ഭക്ഷ്യവിഷബാധ; കഴിച്ചത് മസാലദോശ appeared first on Metro Journal Online.
