സംസ്ഥാനത്ത് സ്വർണവിലയിൽ വൻ കുതിപ്പ്. പവന് ഇന്ന് 440 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 73,040 രൂപയിലെത്തി. ഗ്രാമിന് 55 രൂപയാണ് ഉയർന്നത്.
22 കാരറ്റ് സ്വർണം ഗ്രാമിന് 9130 രൂപയായി. ഏപ്രിൽ 22ലെ 74,320 രൂപയാണ് സംസ്ഥാനത്ത് ഇതുവരെ രേഖപ്പെടുത്തിയ ഏറ്റവുമുയർന്ന സ്വർണവില. ഏപ്രിൽ 23 മുതൽ പിന്നീട് വില ഇടിയുന്നതാണ് കണ്ടത്.
തുടർന്ന് തിങ്കളാഴ്ച മുതലാണ് സ്വർണവില തിരിച്ചുകയറാൻ തുടങ്ങിയത്. നാല് ദിവസത്തിനിടെ 3000 രൂപയാണ് ഒരു പവന് വർധിച്ചത്.
