നാട്ടിലേക്കുള്ള യാത്രയ്ക്കിടെ കാണാതായ മലയാളി സൈനികൻ വിഷ്ണുവിനെ കണ്ടെത്തിയതായി വിവരം. ഇന്നലെ രാത്രി ബംഗളൂരുവിൽ നിന്നാണ് വിഷ്ണുവിനെ എലത്തൂർ പോലീസ് കണ്ടെത്തിയത്. സാമ്പത്തിക പ്രയാസം മൂലം നാട്ടിൽ നിന്ന് മാറിനിന്നതാണെന്ന് വിഷ്ണു പോലീസിന് മൊഴി നൽകി.
വിഷ്ണുവിന്റെ സുഹൃത്തുക്കളിൽ നിന്ന് ലഭിച്ച വിവരത്തെ തുടർന്നാണ് പോലീസ് ബംഗളൂരുവിൽ എത്തിയത്. ഡിസംബർ 17നാണ് പൂനെ ആർമി സ്‌പോർട്‌സ് ഇൻസ്റ്റിറ്റ്യൂട്ടിൽ നിന്നും അവധിക്ക് നാട്ടിലേക്ക് വന്ന വിഷ്ണുവിനെ കാണാതായത്. തുടർന്ന് ബന്ധുക്കൾ പോലീസിൽ പരാതി നൽകി
കോഴിക്കോട് എരഞ്ഞിക്കൽ കണ്ടംകുളങ്ങര സ്വദേശിയാണ്. സൈനികരുടെ നേതൃത്വത്തിലും വിഷ്ണുവിനായി തെരച്ചിൽ നടന്നിരുന്നു.
The post നാട്ടിലേക്കുള്ള യാത്രയ്ക്കിടെ കാണാതായ മലയാളി സൈനികൻ വിഷ്ണുവിനെ കണ്ടെത്തി appeared first on Metro Journal Online.
