വന്യജീവി ആക്രമണം: വയനാട്ടിൽ യുഡിഎഫ് ഹർത്താൽ ആരംഭിച്ചു, അവശ്യ സർവീസുകളെ ഒഴിവാക്കി
വന്യജീവി ആക്രമണങ്ങളിൽ പ്രതിഷേധിച്ച് വയനാട്ടിൽ യുഡിഎഫ് ആഹ്വാനം ചെയ്ത ഹർത്താൽ ആരംഭിച്ചു. വന്യ ജീവി ആക്രമണങ്ങൾ തടയുന്നതിൽ സർക്കാർ പരാജയപ്പെട്ടെന്ന് ആരോപിച്ചാണ് ഹർത്താൽ. അവശ്യ സർവീസുകളെ ഹർത്താലിൽ നിന്നൊഴിവാക്കി. ഹർത്താലിനോട് അനുബന്ധിച്ച് യുഡിഎഫ് പ്രതിഷേധ മാർച്ചും നടത്തും.
സംഘർഷ സാധ്യത കണക്കിലെടുത്ത് ജില്ലയിൽ സർവീസ് നടത്തേണ്ടതില്ലെന്നാണ് സ്വകാര്യ ബസ് ഓപറേറ്റർമാർ തീരുമാനിച്ചത്. അതേസമയം കെഎസ്ആർടിസി സർവീസ് നടത്തുന്നുണ്ട്. സ്വകാര്യ വാഹനങ്ങളും ഓടുന്നുണ്ട്. പാൽ, പരീക്ഷ, പത്രം, വിവാഹം, ആശുപത്രി ആവശ്യങ്ങൾക്കായുള്ള യാത്രകളെ ഹർത്താലിൽ നിന്ന് ഒഴിവാക്കി.
അതേസമയം ഹർത്താലിനെ വിമർശിച്ച് എൽഡിഎഫ് നേതാക്കൾ രംഗത്തുവന്നു. വയനാട് എംപി പ്രിയങ്ക ഗാന്ധിക്കും മുൻ എംപി രാഹുൽ ഗാന്ധിക്കും വന്യജീവി ആക്രമണങ്ങളുമായി ബന്ധപ്പെട്ട ഉത്തരവാദിത്തത്തിൽ നിന്ന് ഒഴിഞ്ഞുമാറാനാകില്ലെന്ന് എൽഡിഎഫ് വിമർശിച്ചു.
The post വന്യജീവി ആക്രമണം: വയനാട്ടിൽ യുഡിഎഫ് ഹർത്താൽ ആരംഭിച്ചു, അവശ്യ സർവീസുകളെ ഒഴിവാക്കി appeared first on Metro Journal Online.
