മസ്തകത്തിൽ പരുക്കേറ്റ ആനയെ ചാലക്കുടി പുഴയുടെ തീരത്ത് നിന്ന് കണ്ടെത്തി; ഒപ്പം മറ്റ് രണ്ട് ആനകളും
അതിരപ്പിള്ളി വനത്തിനുള്ളിൽ മസ്തകത്തിൽ പരുക്കേറ്റ ആനയെ കണ്ടെത്തി. ചാലക്കുടി പുഴയുടെ തീരത്ത് നിന്നാണ് ആനയെ കണ്ടെത്തിയത്. മറ്റ് രണ്ട് ആനകൾക്കൊപ്പമാണ് പരുക്കേറ്റ ആന നിൽക്കുന്നത്. ഇന്നലെ ഉൾവനത്തിൽ പരിശോധന നടത്തിയിട്ടും പരുക്കേറ്റ ആനയെ മാത്രം കണ്ടെത്താൻ സാധിച്ചിരുന്നില്ല
പരിശോധനക്കിടെ ഇന്നലെ 9 കൊമ്പൻമാരെയാണ് കണ്ടത്. ബുധനാഴ്ച മയക്കുവെടി വെക്കുന്നതിനുള്ള നീക്കം ആരംഭിച്ചതിന് പിന്നാലെ ആന ഉൾക്കാട്ടിലേക്ക് വലിഞ്ഞിരുന്നു. പിന്നീട് രണ്ട് ദിവസമായി ആനയെ കണ്ടെത്താനുള്ള ശ്രമമാണ് നടന്നത്.
തുരുത്തിന് എതിർവശത്തുള്ള റബർ തോട്ടത്തിലേക്ക് ആന കയറിയാൽ മാത്രമെ മയക്കുവെടി വെക്കാനുള്ള ദൗത്യം നടക്കുകയുള്ളു. ആനയുടെ ആരോഗ്യസ്ഥിതി ഗുരുതരമെന്നാണ് വിവരം
The post മസ്തകത്തിൽ പരുക്കേറ്റ ആനയെ ചാലക്കുടി പുഴയുടെ തീരത്ത് നിന്ന് കണ്ടെത്തി; ഒപ്പം മറ്റ് രണ്ട് ആനകളും appeared first on Metro Journal Online.
