മുഖ്യമന്ത്രി പിണറായി വിജയനെ പുകഴ്ത്തി സംഘ ഗാനം. സെക്രട്ടേറിയറ്റ് എംപ്ലോയീസ് അസോസിയേഷൻ നടത്തുന്ന പരിപാടിയിൽ ആലപിക്കാനുള്ള ഗാനത്തിലാണ് മുഖ്യമന്ത്രിയെ പുകഴ്ത്തുന്നത്. പാട്ടിൽ പിണറായി വിജയനെ ഫീനിക്‌സ് പക്ഷിയായും പടനായകനുമൊക്കെയായാണ് വിശേഷിപ്പിക്കുന്നത്
ധനകാര്യവകുപ്പ് ഉദ്യോഗസ്ഥനായ പൂവത്തൂർ ചിത്രസേനനാണ് പാട്ടെഴുതിയത്. കാവലാൾ എന്ന തലക്കെട്ടിലാണ് പാട്ട്. നേരത്തെ തിരുവനന്തപുരത്ത് പിണറായി സ്തുതിയുമായി മെഗാ തിരുവാതിര നടത്തിയത് വിവാദമായിരുന്നു.
ചെമ്പടയ്ക്ക് കാവലാൾ ചെങ്കനൽ കണക്കൊരാൾ
ചെങ്കൊടി കരത്തിലേന്തി കേരള നയിക്കയായ്
തൊഴിലിനായ് പൊരുതിയും ജയിലറകൾ നേടിയും
ശക്തമായ മർദ്ദനങ്ങളേറ്റ ധീര സാരഥി…
എന്നിങ്ങനെയാണ് പാട്ടിന്റെ വരികൾ.
