എറണാകുളം പെരുമ്പാവൂരിൽ കെഎസ്ആർടിസി ബസിൽ കഞ്ചാവ് കടത്തിയ യുവതികൾ പിടിയിൽ. ഒഡീഷ സ്വദേശികളായ സ്വർണലത, ഗീതാഞ്ജലി ബെഹ്‌റ എന്നിവരാണ് പിടിയിലായത്. ഇവരിൽ നിന്ന് ഏഴ് കിലോ കഞ്ചാവും പിടിച്ചെടുത്തു
പെരുമ്പാവൂർ എഎസ്പിയുടെ പ്രത്യേക അന്വേഷണസംഘവും കാലടി പോലീസും ചേർന്ന് പുലർച്ചെ നാല് മണിയോടെ നടത്തിയ പരിശോധനയിലാണ് ഇവരെ പിടികൂടിയത്. നാല് വയസുള്ള ആൺകുട്ടിയും ഇവർക്കൊപ്പമുണ്ടായിരുന്നു. മുമ്പും കഞ്ചാവ് കടത്തിയിട്ടുള്ള ഇവരെ രഹസ്യ വിവരത്തിന്റെ അടിസ്ഥാനത്തിൽ പോലീസ് നിരീക്ഷിച്ച് വരികയായിരുന്നു
ഒഡീഷയിൽ നിന്ന് പ്രത്യേകം പൊതിഞ്ഞ ബാഗുകളിലാണ് ഇവർ കഞ്ചാവ് കൊണ്ടുവന്നത്. പ്രതികളെ കേന്ദ്രീകരിച്ച് കൂടുതൽ പരിശോധന നടത്തുമെന്ന് പോലീസ് അറിയിച്ചു.
