കുംഭമേളയിൽ തിക്കിലും തിരക്കിലും പെട്ട് നിരവധി പേർക്ക് പരുക്ക്; സ്ഥിതിഗതികൾ വിലയിരുത്തി പ്രധാനമന്ത്രി

ഉത്തർപ്രദേശിലെ പ്രയാഗ് രാജിൽ മഹാകുംഭമേളക്കിടെ തിക്കിലും തിരക്കിലും പെട്ട് നിരവധി പേർക്ക് പരുക്ക്. അമൃത് സ്‌നാനത്തിനിടെ ബാരിക്കേഡ് തകർന്നാണ് അപകടമുണ്ടായത്. ആരുടെയും പരുക്ക് ഗുരുതരമല്ലെന്ന് അധികൃതർ അറിയിച്ചു.

തിരക്കിനെ തുടർന്ന് സ്‌നാനം നിർത്തിവെച്ചു. അപകടത്തിൽ ആരെങ്കിലും മരിച്ചതായുള്ള വാർത്തകൾ ഇതുവരെ സ്ഥിരീകരിച്ചിട്ടില്ല. ഇതിനിടെ കുംഭമേളയിലെ സാഹചര്യം പ്രധാനമന്ത്രി നരേന്ദ്രമോദി വിലയിരുത്തി.

രക്ഷാപ്രവർത്തനവും ചികിത്സയും കാര്യക്ഷമമായി നടക്കണമെന്ന് പ്രധാനമന്ത്രി നിർദേശം നൽകി. വിശേശ ദിനമായ ഇന്നലെ ഒരു കോടി പേരെങ്കിലും കുംഭമേളക്ക് എത്തിയതായാണ് അനൗദ്യോഗിക കണക്ക്.

The post കുംഭമേളയിൽ തിക്കിലും തിരക്കിലും പെട്ട് നിരവധി പേർക്ക് പരുക്ക്; സ്ഥിതിഗതികൾ വിലയിരുത്തി പ്രധാനമന്ത്രി appeared first on Metro Journal Online.