വയനാട് മാനന്തവാടിയിൽ മകൻ അച്ഛനെ വെട്ടിക്കൊന്നു. മാനന്തവാടി എടവക കടന്നലാട്ട് കുന്ന് മലേക്കുടി ബേബിയാണ്(63) കൊല്ലപ്പെട്ടത്. ഇന്ന് പുലർച്ചെ ഒരു മണിയോടെയാണ് മരണം സംഭവിച്ചത്. രാത്രി 11 മണിയോടെയാണ് കുടുംബവഴക്കിനെ തുടർന്ന് ബേബിക്ക് വെട്ടേറ്റത്
മാനന്തവാടി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മകൻ റോബിനെ പോലീസ് കസ്റ്റഡിയിലെടുത്തു. റോബിൻ തന്റെ അമ്മയെ ആക്രമിക്കാൻ ശ്രമിച്ചപ്പോൾ ബേബി തടഞ്ഞെന്നും ഇതേ തുടർന്നുള്ള സംഘർഷത്തിൽ ബേബിയെ വെട്ടിയെന്നുമാണ് പ്രതി നൽകിയ മൊഴി
റോബിനെ ചോദ്യം ചെയ്യുന്നത് തുടരുകയാണ്. ഇയാളുടെ അറസ്റ്റ് വൈകാതെ രേഖപ്പെടുത്തും. പ്രതി മദ്യലഹരിയിലായിരുന്നുവെന്നാണ് സൂചന.
