ഗുണ്ടൽപേട്ടിൽ കാറും വാനും കൂട്ടിയിടിച്ച് മലപ്പുറം സ്വദേശികളായ സഹോദരങ്ങൾ മരിച്ചു

കേരളാ അതിർത്തിക്ക് സമീപം കർണാടക ഗുണ്ടൽപേട്ടിൽ കാറും വാനും കൂട്ടിയിടിച്ച് മലപ്പുറം സ്വദേശികളായ സഹോദരങ്ങൾ മരിച്ചു. കാർ യാത്രികരായ മൊറയൂർ അത്തിക്കുന്ന് മന്നിയിൽ അബ്ദുൽ അസീസിന്റെ മക്കളായ മുഹമ്മദ് ഷഹ്‌സാദ്(24), മുസ്‌കാനുൽ ഫിർദൗസ്(21) എന്നിവരാണ് മരിച്ചത്

അപകടത്തിൽ 13 പേർക്ക് പരുക്കേറ്റിട്ടുണ്ട്. ഇതിൽ മൂന്ന് കുട്ടികളുടെ നില ഗുരുതരമാണ്. ഷഹ്‌സാദാണ് കാറോടിച്ചിരുന്നത്. യുവാവ് സംഭവസ്ഥലത്ത് വെച്ച് തന്നെ മരിച്ചു.

അസീസും കുടുംബവും മാണ്ഡ്യയിലെ ബന്ധുവീട്ടിലേക്ക് പോകുകയായിരുന്നു. മൈസൂരുവിൽ നിന്ന് ഊട്ടിയിലേക്ക് വരികയായിരുന്ന വിനോദയാത്രാ സംഘമാണ് വാനിലുണ്ടായിരുന്നത്.

The post ഗുണ്ടൽപേട്ടിൽ കാറും വാനും കൂട്ടിയിടിച്ച് മലപ്പുറം സ്വദേശികളായ സഹോദരങ്ങൾ മരിച്ചു appeared first on Metro Journal Online.